काठमाडौं । तीन सहसचिव सचिवमा बढुवा हुने भएका छन् । न्याय सेवा आयोगको विहिबार बसेको बैठकले बढुवा सिफारिस गरेको हो ​।

त्यससँगसैग बैठकले न्याय सेवाका एक जना सचिवको भने सरुवा गरेको छ । बैठकले कानुन, न्याय तथा संसदीय मामिला मन्त्रालयमा सत्य निरुपण तथा मेलमिलाप आयोगमा कार्यरत उदयराज सापकोटाको सरुवा गरेको हो ।

मन्त्रालयका सचिव ऋषि राजभण्डारी न्यायाधीशमा सिफारिस भएसँगै सचिव पद रिक्त थियो । सापकोटा थिए ।

त्यस्तै सहन्यायाधिवक्ता श्याम कुमार भट्टराई र उर्जा मन्त्रालयका सहसचिव तोयानाथ अधिकारीको सचिव बढुवामा सिफारिस भएको छ भने लोक सेवा आयोगका अध्यक्ष उमेश प्रसाद मैनालीको नेतृत्वमा रहेको बढुवा समितिले एक जना सचिव बढुवाका लागि सहसचिव डा. मुकुन्द प्रसाद पौड्याल, दामोदर रेग्मी र गणेशप्रसाद पाण्डेको नाम मन्त्रिपरिषदमा सिफारिस गरेको हो ।

सचिवको एक रिक्त पदमा तीन जनाको नाम सिफारिस भएको हो । बैठकले न्याय तथा सरकारी वकिल समूहका केही उपसचिव र अधिकृतको पनि सरुवा गरेको छ ।

बढुवाका लागि सिफरिस भएका सहसचिवमध्ये पौड्याल राष्ट्रिय सूचना आयोगमा, रेग्मी स्वास्थ्य तथा जनसंख्या मन्त्रालयमा र पाण्डे उद्योग वाणिज्य तथा आपुर्ती मन्त्रालयमामा कार्यरत छन् ।

तीन जनामध्ये एक जनालाई मन्त्रिपरिषद् बैठकले सचिवमा बढुवा गर्नेछ। पौड्याल यसअघि दुइ पटक बढुवाका लागि सिफारिस भइसकेका व्यक्ति हुन् ।

चैत दुइ गते गण्डकी प्रदेश प्रमुख सचिवबाट बिष्णु प्रसाद नेपालले अवकाश पाएपछि एक सचिवको पद रिक्त छ ।