काठमाडौं । धनुषामा भएको बम विस्फोटको घटनामा संलग्न भएको आरोपमा थप एक जना पक्राउ परेका छन् ।

क्षीरेश्वरनाथ नगरपालिका–५ स्थित महेन्द्रनगरमा भएको बम विस्फोटको घटनामा संलग्न आरोपमा प्रहरीले धनुषाधाम नगरपालिका–५ का गंगा मण्डल खत्वेलाई पक्राउ गरेको हो ।

धनुषाका प्रहरी नायव उपरीक्षक रामेश्वर कार्कीका अनुसार पक्राउ परेका खत्वे प्रतिवन्धित नेत्र विक्रम चन्द ‘विप्लव’ नेतृत्वको नेकपाका कार्यकर्ता हुन् ।

खत्वेसहित बम काण्डमा संग्लन भएको आरापमा पक्राउ पर्नेको संख्या ६ पुगेको छ ।

यसअघि प्रहरीले उक्त विस्फोटमा संग्लन विप्लव समूहका प्रदेश नम्बर २ संयोजक सीतादेवी महरा, केन्द्रीय सदस्य ललिता महरा, रामसोभित गाहा र इन्दल साहलाई पक्राउ गरिसकेको छ ।

मंसिर २७ गते राति भएको सो बम विस्फोटमा परी इलाका प्रहरी कार्यालय महेन्द्रनगरमा कार्यरत प्रहरी निरीक्षक अमिरकुमार दाहाल, घरधनी ४८ वर्षीय साह र उनका १६ वर्षीय आनन्दकुमार साहको मृत्यु भएको थियो भने एक प्रहरीसहित ७ जना घाइते भएका थिए ।