एजेन्सी । इंग्लिस प्रिमियर लिग फुटबलमा साविक विजेता लिभरपुलले साँघुरो जित निकालेको छ ।

सोमबार राति भएको खेलमा लिभरपुलले उल्भ्सलाई एक शुन्य गोल अन्तरले पराजित गरेको हो । लिभरपुललाई जित दिलाउन डिएगो जोटाले निर्णायक गोल गरे ।

पहिलो हाफको इन्जुरी समयमा जोटाले गोल गरेका थिए । जुन गोल खेलको निर्णायक गोल बन्यो । खेलमा उल्भ्सका गोलकिपर रुइ प्याट्रिसियोले टाउकोको चोट बोक्न पुगेका थिए ।

आफ्नै टिमका कप्तान कोडीसँग जुध्न पुगेका उनी स्ट्रेचरको सहायताबाट मैदानबाट बाहिरिएका थिए । टाउकोमा ठोक्किएपछि गोलकिपर रुइ केहि समय मैदानमै बेहोस भएका थिए । तर, उनको अवस्था ठिक रहेको बताईएको छ ।

यस जितसँगै लिभरपुलले २९ खेलमा ४६ अंक जोडेको छ । लिभरपुल लिगको छैटौं स्थानमा रहेको छ ।

उल्भ्स ३५ अंक जोडेर १३ औं स्थानमा रहेको छ ।