एजेन्सी । घरेलु टिम भारतले दोस्रो टी ट्वान्टी क्रिकेटमा इंग्ल्यान्डलाई पराजित गरेको छ ।

अहमदाबादमा आइतबार राति भएको खेलमा भारतले इंग्ल्यान्डलाई ७ विकेटले पराजित गरेको हो । इंग्ल्यान्डले दिएको १६५ रनको लक्ष्य भारतले १७ ओभर ५ बलमा मात्र ३ विकेट गुमाएर पूरा गर्यो ।

भारतको जितमा डेब्यु खेलाडी इशान किशन र कप्तान विराट कोहलीले अर्धशतकीय इनिङ्स खेले । डेब्यु खेलमै अर्धशतक बनाएका किशनले ३२ बलमा ५ चौका र ४ छक्कासहित ५६ रन बनाए ।

कप्तान कोहली ७३ रनमा अविजित रहे । उनले ४९ बलमा ५ चौका र ३ छक्का प्रहार गरे । यस्तै ऋषव पन्तले २६ रन जोड्दा केएल राहुल सुन्य रनमा आउट भए ।

श्रेयस एयरले अविजित ८ रन बनाए । इंग्ल्यान्डका साम करण, आदील राशिद र क्रिस जोर्डनले एक एक विकेट लिए ।

यस अघि पहिले ब्याटिङ गरेको इंग्ल्यान्डले २० ओभरमा ६ विकेट गुमाएर १६४ रन बनाएको थियो । इंग्ल्यान्डका जासन रोयले सर्वाधिक ४८ रन बनाए । कप्तान इयान मोर्गन २८ रनमा आउट भए ।

बेन स्टोक्स र डाविड मालनले समान २४र२४ रन बनाउँदा जोनी बेयर्स्टोले २० रन बनाए । भारतका सार्दुल ठाकुर र वासिङ्गटन सुन्दरले दुई दुई विकेट लिए । युजभेन्द्र चाहल र भुवनेश्वर कुमारले एक एक विकेट लिए ।

जितसँगै भारतले ५ खेलको सिरिजमा एक एक खेलको बराराबरी गरेको छ । पहिलो खेलमा इंग्ल्यान्ड ८ विकेटले विजयी भएको थियो ।