एजेन्सी । अमेरिकी बक्सर मार्भिन हाग्लरको निधन भएको छ ।

मिडलवेटका पूर्व च्याम्पियन हाग्लरको ६६ वर्षको उमेरमा निधन भएको हो । उनको निधनको कारण केही खुलाइएको छैन ।

चौध वर्षको व्यावसायिक बक्सिङमा हाग्लर ६७ पटक भिडेका थिए । जसमा उनले ६२ खेल आफ्नो पक्षमा पारेका थिए । बक्सर हाग्लरले ५२ खेलमा विपक्षी खेलाडीलाई नकआउट गरेका थिए ।

उनले आफ्नो खेल जीवनमा दुई खेलमा बराबरी खेल्नुका साथै तीन खेलमा मात्र पराजय बेहोर्नु परेको थियो ।