काठमाडौं । पछिल्लो समय छलफलमा निकै व्यस्त रहेको जनता समाजवादी पार्टी (जसपा) आज फेरि छलफलकै लागि नेकपा माओवादी केन्द्रको मुख्यालय पेरिसडाडाँ पुगेको छ।

सत्ता समीकरणबारे छलफल गर्न जसपाका शीर्ष नेताहरु पेरिसडाडाँ पुगेका हुन् । जसपाका नेताहरु महन्थ ठाकुर, डा बाबुराम भट्टराई, उपेन्द्र यादव, राजेन्द्र महतो, अशोक राई र राजेन्द्र श्रेष्ठ पेरिसडाडाँ पुगेका छन् ।

केही दिन यता जसपाका नेताहरु नेपाली काँग्रेस, माओवादी केन्द्र र प्रधानमन्त्री केपी शर्मा ओलीसँग लगातार छलफलमा छन् ।

प्रतिनिधिसभामा चौंथो ठूलो दल रहेको जसपा नयाँ सरकार गठनको लागि निर्णायक रहेको छ। जसपासँग संसदमा ३४ सिट छ ।

शुक्रबार बेलुका जसपाका नेताहरुले कांग्रेस सभापति शेरबहादुर देउवासँग पनि भेट बार्ता गरेका थिए। यद्दपि उनीहरुले ठोस निर्णय लिन भने सकेका छैनन्।