काठमाडौं । महानगरीय प्रहरी कार्यालय रानीपोखरीले साढे २ किलो युरेनियमसहित चार जनालाई पक्राउ गरेको छ ।

शुक्रबार दिउँसो पत्रकार सम्मेलन गरी काठमाडौँको बौद्ध क्षेत्रबाट उनीहरुलाई पक्राउ गरेको प्रहरी अतिरिक्त महानिरीक्षक (एआइजी) हरिबहादुर पालले जानकारी दिए ।

एआइजी पालका अनुसार नेपालमा युरेनियम बरामद भएको यो पहिलो घटना हो ।

बरामद भएको वस्तु प्रशोधन नगरिएको युरेनिययम भएको परीक्षणबाट पुष्टि भएको उनले जानकारी दिए ।

पक्राउ परेकाहरु लाई विस्फोटक पदार्थसम्बन्धी ऐनअनुसार कारबाही हुने प्रहरीले जनाएको छ ।