काठमाडौँ। प्रतिनिधिसभाको बैठक शुरु हुन नपाई स्थगित भएको छ।

बैठकमा सहभागी हुन संसद भवन पुगेका प्रधामन्त्री केपी शर्मा ओली  बाहिरिएपछि बुधबारको बैठकमा  शोक प्रस्ताव पारित गर्दै स्थगित भएको हो ।

बैठक शुरु हुन साथ सभामुख अग्नीप्रसाद सापकोटाले विभिन्न समयमा निधन भएका भूतपूर्व सभासद तथा वहालवाला सांसदहरुको निधनप्रति श्रदाञ्जली अर्पण गरेका छन्।

बैठकले शोक प्रस्ताव पारित गरेको छ । साथै अर्को बैठक आगामी चैत्र ३ गते बस्ने कार्यक्रम छ ।

यसअघि बुधबार बस्ने बैठकलाई विभिन्न दलका नेताहरूले सम्बोधन गर्ने कार्यसूची भए पनि प्रधानमन्त्री ओली फर्किएपछि स्थगित भएको हो ।

यसअघिको कार्यसूचीमा विभिन्न अध्यादेशहरु पेस गर्ने र शोक प्रस्ताव पारित गर्ने उल्लेख थियो ।

यसअघि आइतबारको संसद् बैठक पनि ढिला सुरु भएको भन्दै प्रधानमन्त्री ओली बाहिरिएका थिए ।