काठमाडौँ । उपप्रधानमन्त्री एवम रक्षामन्त्री ईश्वर पोखरेलले एमाले र माओवादी केन्द्रबचि एकता गर्दा वुद्धि र ढंग नपुगेको बताएका छन् ।

विचार, संगठन र नेतृत्वको ख्याल नगरी पार्टी एकता गरिएका कारण अहिलेको समस्या भएको उनको भनाइ थियो । १११ औँ अन्तर्राष्ट्रिय महिला दिवसको अवसरमा आज राजधानीमा आयोजित कार्यक्रममा उनले पार्टी एकता गर्दाको समयमा ढंग नपुगेका कारण समस्या भएको बताए ।

विचार, संगठन र नेतृत्वभन्दा पनि चुनावमा बहुमत ल्याउने विषयलाई मात्रै प्राथमिकतामा राखेका कारण अहिले समस्या आएको पोखरेलले बताए ।

सर्वोच्च अदालतको फैसला पछि एकिकृत पार्टीहरुको अवस्था २०७५ साल जेठ ३ गते आगाडिको अवस्थामा पुगेको उल्लेख गर्दे उनले अब नेकपा एमालेले विचार, संगठन अनि योग्य नेतृत्व राखेर नयाँ ढंगले पार्टी एकतालाई अघि बढाउने बताए ।