कञ्चनपुर ।  कञ्चनपुरको बेलौरी नगरपालिका- ७ पौलाहास्थित  सीमा क्षेत्रमा प्रहरी र भारतीय तस्कर समूहबीच गोली हानाहान भएको छ।

सीमा क्षेत्रमा गस्ती गरिरहेको इलाका प्रहरी कार्यालयको टोलीले चलाएको गोली लागेर एक भारतीय नागरिकको मृत्यु भएको छ।

४ जनाको संख्यामा रहेका तस्करहरुको समूहले प्रहरीमाथि एक्कासी गोली चलाएको प्रहरीको भनाइ छ ।

जिल्ला प्रहरी कार्यालय कञ्चनपुरका अनुसार नेपाल–भारत सीमा क्षेत्र नजिकै गस्ती गरिरहेको प्रहरी टोलीमाथि एक्कासी तस्करहरुको समूहले गोली चलाएपछि जवाफी फायरिङका क्रममा भारतीय नागरिकको मृत्यु भएको हो ।

गोली हानाहान हुँदा गस्तीमा रहेका एक प्रहरी सामान्य घाइते भएका छन्। ।

प्रहरीको गोली लागेर मृत्‍यु भएका भारतीय नागरिक  उत्तर प्रदेशको तिलिभितका २५ वर्षीय गोविन्द सिंह रहेको खुलेको छ।

प्रहरीले उनको साथबाट नक्कली नोट छाप्ने मेसिन र कागजातसँगै लागूऔषध समेत बरामद भएको गरेको जनाएको छ।