काठमाडौं । नेपाली कांग्रेसका सभापति शेरबहादुर देउवाले आज पदाधिकारी बैठक बोलाएका छन्।

कांग्रेस मुख्यसचिव कृष्णप्रसाद पौडेलका अनुसार आज अपरान्ह ३ बजे पदाधिकारी बैठक देउवा निवास बुढानिलकण्ठमा बस्ने छ । उक्त बैठकमा पूर्वपदाधिकारीको समेत उपस्थिति रहने बताइएको छ ।

कांग्रेसले शुक्रबार पार्टी संसदीय दलको बैठक समेत राखेको छ।

प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले प्रतिनिधि सभा बैठक फागुन २३ मा आह्वान गरेपछि रणनीति तय गर्न पदाधिकारी तथा संसदीय दलको बैठक बस्न लागेको हो ।

देउवाले चितवनमा बुधबार काँधमा जिम्मेवारी आए आफु प्रधानमन्त्री पद सम्हाल्न तयार रहेको बताएका थिए ।

तर वरिष्ठ नेता रामचन्द्र पौडेलले भने कांग्रेस कुनै पनि हालतमा सरकारमा जान नहुनेमा जोड दिएका थिए ।