काठमाडौँ। नेपालमा मंगलबार कोरोना भाइरस संक्रमणबाट मृत्यु हुनेको संख्या शुन्य रहेको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार पछिल्लो २४ घण्टामा देशभर ७८ जना संक्रमित थपिएका छन् । योसँगै नेपालमा कोरोना संक्रमितको कुल संख्या २ लाख ७४ हजार २९४ पुगेको छ ।

यस्तै बितेको २४ घण्टामा ७२ जना कोरोना संक्रमण मुक्त भएका छन् । योसँगै हालसम्म निको हुनेको कुल संख्या २ लाख ७० हजार ५४३ पुगेको छ ।

यस्तै हिजो नेपालमा ७३ जनामा कोरोना भाइरसको संक्रमण पुष्टि भएको थियो।