काठमाडौं । सर्बोच्च अदालतले संसद पुनर्स्थापना गरेपछि बिकसित घटनाक्रम र भावी रणनीतिका लागि नेकपा प्रचण्ड–माधव समूहको सचिवालय बैठक बसेको छ ।

संसद अधिवेशन आह्वान भएसँगै रणनीति बनाउन  सचिवालय बैठक बसेको छ ।

सिंहदरबारस्थित संसदीय दलको कार्यालयमा बसेको बैठकमा प्रधानमन्त्री केपी शर्मा ओलीविरुद्धको अविश्वासको प्रस्तावबारे छलफल केन्द्रित गरेको छ ।

पार्टीभित्र देखिएको कानून अड्चनदेखि कांग्रेस र जनता समाजवादी पार्टीसँगको छलफलबारे व्रिफिङ हुँदैछ । कांग्रेस र जसपाले आधिकारिकता खोजेपछि प्रचण्ड–माधव समूह रणनीति बनाउन जुटेको हो ।

फागुन ११ गते सर्वोच्च अदालतले संसद पुनर्स्थापना गरेर १३ दिनभित्र बैठक बोलाउन आदेश दिएको थियो। सोही अनुसार २३ गते अपरान्ह ४ बजे अधिवेशन आह्वान गरिएको छ ।