काठमाडौँ। बलिउड अभिनेता अमिताभ बच्चनले आफ्नो स्वास्थ्य स्थिती बिग्रिएका कारण शल्यक्रिया हुन लागेको बताएका छन् ।

सामाजिक सञ्जालमा निकै सक्रिय रहने बच्चनले सामाजिक सञ्जालमार्फत् सो जानकारी गराएका हुन् । उमेरले झन्डै ८० बर्ष पुग्न लागेका उनले ‘स्वास्थ्य अवस्था,शल्यक्रिया । योभन्दा बढी केही लेख्न सक्दिनँ।’ यद्यपि उनी कुन रोगसँग संघर्ष गरिरहेका छन् भन्ने खुलाएका छैनन् ।

उनको पोष्टमा टिप्पणी गर्दै प्रशंसकहरूले स्वास्थ्य लाभको लागि प्रार्थना गरिरहेका छन्।

गत वर्ष मात्र अमिताभ बच्चन लगायत उनको सपरिवार छोरा अभिषेक, बुहारी ऐश्वर्या र नातिनी आराध्या कोरोना भाइरसबाट संक्रमित भएका थिए ।

अमिताभ बच्चन हालै अजय देवगन निर्देशित फिल्म ‘मे डे’ को लागि शूटिंग गर्दै थिए ।