काठमाडौँ । नेपाल कम्युनिष्ट पार्टी (नेकपा) प्रचण्ड-माधव समुहका अध्यक्ष पुष्पकमल दाहाल ‘प्रचण्ड’ले सर्वोच्च अदालत पुगेर अवहेलना मुद्दामा लिखित जवाफ दिएका छन् ।

प्रचण्डविरुद्ध संसद विघटनविरुद्धको विरोधसभामा अदालतको मानहानी हुने गरी अभिव्यक्ति दिएको भन्दै रिट दायर भएको थियो ।

गत बुधबार न्यायाधीश डा मनोज शर्माको एकल इजलासले सात दिनभित्र आफैं उपस्थित भएर लिखित जवाफ बुझाउन आदेश दिएको थियो ।
सोही आदेशअनुसार प्रचण्ड लिखित जवाफसहित सर्वोच्चमा उपस्थिति भएका हुन् ।

उनले राजधानीमा भएको एक विरोधसभामा ‘प्रधानमन्त्री ओलीको निरंकुश र स्वेच्छाचारी कदमलाई सही ठहर्‍याउने काम भयो भने ‘लाखौं लाख जनता सडकमा उतार्ने र गल्ती सच्याइन्छ’ भन्ने अभिव्यक्ति दिएका थिए।

यसअघि प्रधानमन्त्री केपी शर्मा ओली, चार जना पूर्व प्रधान न्यायाधीशहरुले सर्वोच्चमा उपस्थित भएर अवहेलनामा मुद्दामा लिखित जवाफ बुझाइसकेका छन् ।