चरिकोट । संचार तथा सूचना प्रविधिमन्त्री पार्वत गुरुङले प्रतिनिधि सभा विघटन गर्ने सरकारको निर्णय सर्वोच्च अदालतले सदर गरिदिने दाबी गरेका छन् ।

दोलखाको चरिकोटमा आइतबार नेपाल कम्युनिस्ट पार्टी (नेकपा) ओली समूहको चौथो विस्तारित बैठकलाई सम्बोधन गर्दै सरकारका प्रवक्तासमेत रहेका मन्त्री गुरुङले संसद् विघटन राजनीतिक मुद्दा भएकाले सर्वोच्च अदालतले सदर गरिदिने दाबी गरे ।

निर्वाचन आयोगले सूर्य चिन्ह् प्रधानमन्त्रीसमेत रहेका नेकपा अध्यक्ष केपी शर्मा ओली नेतृत्व रहेका आधिकारिक नेकपाले पाउने उनको दाबी थियो ।

निर्वाचन आयोगले माधव नेपाल नचिन्ने र पहिलो अध्यक्ष केपी ओलीले नेतृत्व गरेको नेकपा चिन्ने भन्दै सूर्य चिन्ह र पार्टी आधिकारिक रुपमै ओली समूहकै हुने उनको दाबी थियो ।