काठमाडौं । प्रधानमन्त्री केपी शर्मा ओली र नेपालका लागि थाइल्यान्डका राजदूत भोषित भोरासाफले शुक्रबार शिष्टाचार भेटवार्ता भएको छ।

प्रधानमन्त्री ओली र राजदूतबीच बालुवाटारमा भएको भेटमा दुई मुलुकबीच लामो समयदेखिको मैत्रीपूर्ण सम्बन्धलाई नयाँ गतिका साथ अगाडि बढाउने लगायतका विषयमा वार्ता भएको प्रधानमन्त्रीको सचिवालयले जनाएको छ ।

भेटमा प्रधानमन्त्रीले राजदूत भोरासाफको सफल कार्यकालका लागि शुभेच्छा व्यक्त गर्दै यसै अवधिमा दुई देशबीच सम्बन्धका नयाँ आयामहरु पहिल्याउन सकिने विश्वाससमेत व्यक्त गरे ।

राजदूत भोरासाफले थाइल्यान्ड र नेपालको भैरहवा विमानस्थलबीच सिधा हवाई सम्बन्ध जोड्न सकिए नेपालमा थाई पर्यटक आगमन बढाउन सकिने विचार व्यक्त गरेका प्रधानमन्त्रीको सचिवालयको विज्ञफ्तिमा उल्लेख छ ।