काठमाडौं । बिहीबार काठमाडौं उपत्यकामा १९८ जनामा कोरोना भाइरसको संक्रमण पुष्टि भएको छ। संक्रमित हुनेमा ७३ महिला र १२५ पुरुष रहेको स्वास्थ्य तथा जनसंख्या मन्त्रालयले जनाएको छ।

यस्तै पछिल्लो २४ घण्टामा उपत्यकाका सहित देशभर ३३६ जनामा कोरोना भाइरस संक्रमण पुष्टि भएको छ । ५ हजार ३० स्वाब परीक्षण गर्दा १२२ महिला र २१४ पुरुषमा संक्रमण देखिएको स्वास्थ्य तथा जनसंख्या मन्त्रालयले जनाएको छ।

नेपालमा अहिलेसम्म २० लाख ३१ हजार ७५६ जनाको आरटी पीसीआर परीक्षण भएको छ। बिहीबार थप ५ हजार ३० स्वाब परीक्षण गरिएको थियो। योसहित कोरोना संक्रमितको संख्या २ लाख ६८ हजार ६४६ पुगेको मन्त्रालयले जनाएको छ ।

जसमध्ये २ लाख ६२ हजार ८६८ जनाले कोरोना जितेका छन् । बिहीबार थप २६६ जना डिस्चार्ज भएका छन्। यो ९७.९ प्रतिशत हो। मन्त्रालयका अनुसार हालसम्म कोरोनाबाट मृत्यु हुनेको संख्या १९ सय ७९ पुगेको छ ।