काठमाडौं । चिकित्सकलाई कुटपिट गरेको अभियोगमा प्रहरीले एक जनालाई पक्राउ गरेको छ ।

पक्राउ पर्नेमा ३६ वर्षीय कृष्णप्रसाद गौतम रहेका छन् ।

उनलाई प्रहरीले काठमाडौंको महाराजगञ्जस्थित त्रिवि शिक्षण अस्पतालमा कार्यरत चिकित्सक सविन भण्डारीमाथि कुटपिट गरेको अभियोगमा पक्राउ गरेको हो ।

कोभिड–१९ का कारण आईसीयूमा उपचाररत विरामीको मृत्युपछि भएको कुटपिटमा संलग्न गौतमलाई पक्राउ गरेर महानगरीय प्रहरी वृत्त, महाराजगञ्जमा राखिएको काठमाडौं प्रहरीका एसएसपी अशोक सिंहले जानकारी दिए ।

गौतमसँग सोधपुछ भइरहेको प्रहरीले जनाएको छ ।