मकवानपुर । जिल्ला प्रहरी कार्यालय मकवानपुरले हत्या आरोपमा एक जनालाई पक्राउ गरेको छ ।

पक्राउ पर्नेमा मकवानपुरको मकवानपुर गढी गाउँपालिका–२ स्थित भालङटारका ४६ वर्षीय देवराज गोले रहेका छन् ।

सोमबार बिहान देवराजकी श्रीमती ४६ वर्षीया श्रीमाया गोले घरभित्रै मृत फेला परेकी थिइन् ।

घटना संकास्पद देखिएकाले देवराजलाई नियन्त्रणमा लिएको जिल्ला प्रहरी कार्यालय मकवानपुरका प्रहरी प्रवक्ता एवं प्रहरी नायव उपरीक्षक ईन्द्रबहादुर रानाले जानकारी दिए ।

प्रारम्भिक अनुसन्धानको क्रममा श्रीमायाको हत्यामा देवराजको संलग्नता देखिन आएकोले उनलाई नियन्त्रणमा लिएको उनको भनाइ छ । यसबारे थप अनुसन्धान भइरहेको प्रहरीले जनाएको छ ।