काठमाडौं । तनहुको आवुखैरेनीमा यात्रुबाहक बस दुर्घटना हुँदा दुई जनाको मृत्यु भएको छ भने झण्र्ड एक दर्जन बढि यात्रु घाइते भएका छन् ।

जिल्ला प्रहरी कार्यालय तनहुँका अनुसार पोखराबाट दाङ जाँदै गरेको ना ५ ख ४२९४ नम्बरको बस आइतबार साँझ पृथ्वी राजमार्गअन्तर्गत तनहुँको आबुखैरेनी गाउँपालिकास्थित ऐनापहरामा दुर्घटनामा परेको हो ।

प्रहरीले घटनास्थलमा उद्धार भइरहेको जानकारी दिंदै घाइतेमध्ये १० जनालाई छिन्तेस्वरी अस्पतालमा पुर्‍याइएको जानकारी गराएको छ ।

बसमा कति सवार थिए भन्ने बारेमा अझै खुलेको छैन ।