काठमाडौं । महानगरीय प्रहरी परिसर ललितपुरले ‘इन्टरपोलको प्रहरी हुँ’ भन्दै लुटपाट गर्ने एक जनालाई पक्राउ गरेको छ ।

पक्राउ पर्नेमा ललितपुरको महालक्ष्मी नगरपालिका–२ इमाडोल बस्ने २५ वर्षीय कविर केसी रहेका छन् । उनलाई प्रहरीले ललितपुर बालकुमारी क्षेत्रबाट पक्राउ गरेको हो।

गत आइतबार बालकुमारीस्थित जिएस क्याफेमा कविर केसीसहित दुई जनाले इन्टरपोलका सादा पोशाकका प्रहरी हौं भन्दै एक जनालाई एकान्त ठाउँमा लगेर नगद र जिन्सी समान लुटपाट गरेको सूचना प्राप्त भएको थियो ।

सोही सूचनाको आधारमा खटिएको टोलीले कविरलाई पक्राउ गरेको हो। यसबारे थप अनुसन्धान भइरहेको प्रहरीले जनाएको छ ।