काठमाडौं । कोरोना भाइरस संक्रमणबाट वेलायतमा एक नेपालीको मृत्यु भएको भएको छ । संखुवासभाका ६६ वर्षीय पूर्व गोर्खा सैनिक लिलाबहादुर राईको मृत्यु भएको हो ।

राईको मंगलबार बेलुका ८ बजे लण्डनको नर्थविक पार्क हस्पिटलमा मृत्यु भएको वताइएको छ ।

लिलाबहादुर ब्रिटिस-गोर्खा सैनिक सेवाबाट निवृत भएपछि सुनसरीको इटहरी र पछि सन् २००८ मा वेलायत बसाई सरेका थिए ।

मधुमेह र उच्च रक्तचापबाट पीडित उनको दुई वर्ष अघि मृगौला प्रत्यारोपण गरिएको थियो । मृत्युको कारण कोभिड-१९ भएको जानकारी भने अस्पतालले शुक्रबार मात्र गराएको थियो ।