काठमाडौं । प्रधानमन्त्री केपी शर्मा ओलीले आगामी १० गतेदेखि लागू हुने गरि लामो दुरीका यातायातहरु बन्द गर्नका लागि अनुरोध गरेसँगै अन्योल बढेको छ ।
जनमानसमा लामोदुरी र छोटा दुरी भन्नाले कति दूरी भन्ने कुरामा अन्यौलता रहेको छ । तर यातायात व्यवस्था विभागले २२५ किलोमिटरसम्म छोटो दूरी, २५० किलोमिटरसम्मको मध्यम र २५० भन्दा माथिलाई लामो दूरी गरी विभाजन गरेको छ ।

प्रधानमन्त्री ओलीद्वारा शुक्रबार साँझ देशबासीका नाममा दिएको सम्बोधनमा लामोदुरीका सवारी साधन बन्द गर्नका लागि निर्देशन दिएका हुन् ।

त्यसअघि सरकारले चैत १० गतेदेखि लामो दुरीका सार्वजनिक सवारी साधन सञ्चालनमा रोक लगाएको थियो । त्यस्तै चैत ९ देखि १८ गतेसम्म सबै हवाई उडान स्थगित समेत गरेको छ ।

त्यस्तै चैत ९ देखि २१ गतेसम्म अत्यावश्यक सेवा प्रदान गर्नेबाहेक सबै कार्यालय बन्द गर्ने निर्णय भएको छ ।