काठमाडौं । हुम्लाबाट निर्वाचित सांसद छक्कबहादुर लामाले नेकपा (ओली समूह) को केन्द्रीय महाधिवेशन आयोजक समिति सदस्य परित्याग गरी प्रचण्ड–नेपाल समूहमा रहेको जानकारी गराएका छन् ।

शनिबार विज्ञप्ति जारी गर्दै लामाले हुम्लावासी जनता, कार्यकर्ताको सल्लाह, सुझाव र भावनालाई सम्बोधन गरी ओली नेतृत्वको नेकपा महाधिधिवेशन आयोजक समितिको सदस्य पद परित्याग गरी नेकपा (प्रचण्ड–नेपाल) समूहमा यथावत् रहेको प्रस्ट पारेका हुन् ।

उनले विज्ञप्तिमार्फत बाहिरी हल्लाको भ्रममा नपर्न सम्पूर्ण पार्टी, कार्यकर्ता र हुम्लावासीलाई आग्रह गर्दै विचलित नभई प्रचण्ड–नेपालको मूल पार्टी नेकपामा एकताबद्ध भएर बस्न अनुरोध गरेका छन् ।

यस्तो छ लामाद्धारा जारी प्रेस बक्तब्य