एजेन्सी। सारा संसार क्रिसमस मनाउँदै गर्दा अमेरिकाको न्यासभिल शहरको सुनसान सडकमा भएको एउटा विस्फोटले सबैलाई भयभीत बनायो।

विस्फोटनका क्रममा वरपरका झ्यालहरू हल्लाए हल्लिए भने भवनहरू क्षतिग्रस्त भए । तीन व्यक्तिहरू पनि घाइते भएको जनाएका छन् ।

अमेरिकी अधिकारीहरूले यसको पछाडि पक्कै पनि आतंकवादी उद्देश्य रहेको  तथा विस्फोट अन्तर्राष्ट्रिय प्रकृतिको भएको प्रतिक्रिया दिएका छन् । एफबीआईले हाल उक्त केसको अनुसन्धान गरिरहेको छ। पुलिस प्रवक्ता डन आरोनले भने , ‘विस्फोट बिहान ६.३० बजे भएको थियो, जुन जानाजानी गरेको काम देखिन्छ।’

तीन जनालाई उपचारका लागि अस्पतालमा भर्ना गरिएको प्रहरीले जनाएको छ। यद्यपि तिनीहरू मध्ये कुनैलाई पनि गम्भीर चोट लागेको छैन। एक वरिष्ठ अमेरिकी अधिकारीले एफबीआईले यस केसको अनुसन्धानको नेतृत्व गरेको वताए ।

एफबीआई अमेरिकाको प्राथमिक कानून प्रवर्तन एजेन्सी हो, जुन संघीय अपराधको छानबिनको लागि जिम्मेवार छ, जस्तै विस्फोट र आतंकवादसँग सम्बन्धित।

शुक्रबार बिहान कालो धुवाँको बादल यस क्षेत्रमा आकाशमा छाडिएको देखियो। यो क्षेत्रलाई शहरको पर्यटनको केन्द्र मानिन्छ, यो सम्पूर्ण क्षेत्र बार, रेस्टुरेन्ट र अन्य चीजहरूले घेरिएको छ। बम विस्फोटको घटना हुने बित्तिकै वरपरका भवनहरू हल्लिएर टाढाबाटै विस्फोटको आवाज पनि सुनिएको थियो ।

घटनास्थल नजिकै  बासिन्दाले भने, ‘त्यहाँ चारवटा कारहरू जलिरहेका थिए।  थाहा छैन कारण के हुन सक्दछ, यो विस्फोट यति तातो भएको हुन सक्छ कि ती कारहरूमा आगो लाग्यो । त्यहाँ उभिएका रूखहरू पनि चकनाचूर भए।/