काठमाडौं । प्रधानमन्त्री केपी शर्मा ओली नेतृत्वको नेकपाको केन्द्रीय कमिटी बैठकले पुष्पकमल दाहाल ‘प्रचण्ड’ लाई कार्यकारी अध्यक्षबाट हटाएको छ ।

बिहीबार बालुवाटारमा बसेको ओली समूहको केन्द्रीय कमिटीको बैठकले अध्यक्ष प्रचण्डलाई कार्यकारी अध्यक्ष पदबाट हटाउने निर्णय गरेकाे हाे ।

स्राेतका अनुसार ओली पक्षले पार्टीको विधान संशोधन गरेर निर्वाचन आयोगमा दर्तासमेत गराइसकेकाे छ । बिहीबार आयोगमा दर्ता गराइएको संशोधनमा पार्टीका आधिकारिक दस्तावेज र पत्रहरुमा प्रथम अध्यक्षको मात्रै हस्ताक्षर ‘चल्ने’ बनाइएको  स्राेतले बतायाे ।यसअघि नेकपाका दुवै अध्यक्षको हस्ताक्षर चल्ने व्यवस्था थियो ।

यस्तै बैठकले पार्टी प्रदेश संयोजकहरुको जिम्मेवारी हेरफेर तथा नयाँ संयोजक समेत तोकेको छ । त्यहाँ प्रचण्ड -नेपाल निकटका नेताहरुलाई हटाएर ओलीले आफू पक्षका नेताहरुलाई जिम्मेवारी दिइएको हो।