काठमाडाैं । नेपाल कम्युनिस्ट पार्टी (नेकपा) का कार्यकारी अध्यक्ष पुष्पकमल दाहाल प्रचण्ड र वरिष्ठ नेता माधवकुमार नेपाल समूहको प्रदेशस्तरीय भेला सकिएको छ ।

नेकपा जनवर्गीय संगठनको कार्यालय पेरिसडाँडामा शुक्रबार मध्यान्ह्बाट सुरु भएको भेलामा प्रचण्ड–नेपाल समूहनिकट प्रदेश १ का जिल्ला अध्यक्ष तथा सचिवहरू सहभागी रहेका थिए ।

भेलामा अध्यक्ष प्रचण्ड, वरिष्ठ नेता नेपाल र वरिष्ठ नेता नेता झलनाथ खनालले आफूनिकटका कार्यकर्तालाई पछिल्लो राजनीतिक घटनाक्रमबारे ‘ब्रिफिङ’ गरेका थिए ।

यसअघि पनि प्रचण्ड र नेपाल समूहले बागमती प्रदेश र विद्यार्थीहरूको भेला गरेका थिए । साथै स्थानीय तहमा प्रतिनिधित्व गर्ने जनप्रतिनिधिहरूको पनि भेला हुँदै आएको छ । पछिल्लाे समय नेकपाभित्रकाे विवाद पार्टी दुर्घटना तर्फ अग्रसर देखिएकाे चर्चा चलिरहेकाे छ ।

प्रधानमन्त्रीसमेत रहेका नेकपा अध्यक्ष केपी शर्मा ओली एकलाैटी ढंगबाट अगाडि बढ्न थालेकाे भन्दै प्रचण्ड–नेपाल समूह गुटगत भेला गर्नमा व्यस्त रहेका छन् ।