काठमाडौं । संवैधानिक परिषद्को बैठक मङ्सिर ३० गते बस्ने भएको छ । प्रमुख प्रतिपक्षी दलका सभापति शेरबहादुर देउवा उपस्थित नहुने भएपछि गणपुरक संख्या नपुग्दा स्थगित भएकाे बैठक मंगलबार बस्ने भएकाे हाे ।

कांग्रेस सभापति देउवा आफू बैठकमा उपस्थित नहुने बताएसँगै बैठक स्थगित भएकाे थियाे । सभापति देउवाले कांग्रेस नेता रमेश लेखकमार्फत् प्रधानमन्त्री केपी शर्मा ओलीलाई संवैधानिक परिषद्को बैठकमा आफू उपस्थित हुन नसक्ने सन्देश पठाएका थिए ।

बैठकमा ५ जना अनिवार्य उपस्थित हुनुपर्नेमा कोरम नपुगेसँगै बैठक स्थगित गर्नुपरेको थियो । सत्तारुढ दल र प्रमुख प्रतिपक्षी दलसँग कुरा नमिल्दा धेरै संवैधानिक आयोगहरुले पूर्णता पाउन नसकेको हो ।

संवैधानिक परिषद्मा प्रधानन्यायाधीश, प्रतिनिधिसभाका सभामुख, राष्ट्रियसभा अध्यक्ष, प्रतिनिधिसभामा विपक्षी दलका नेता र उपसभामुख सदस्य रहने व्यवस्था छ ।