काठमाडौं । २५ जनाभन्दा बढी सहभागी भएको भन्दै बिहीबारको राज्य व्यवस्था समितिको बैठक स्थगित भएको छ ।

तीन तहबीचको अन्तर सम्बन्ध व्यवस्थित गर्न बनेको विधेयकमाथि छलफल गर्न समितिको बैठक बोलाइएको थियो । करिब ४५ मिनेट बसेर बैठक स्थगित भएको हो ।

बैठकमा नेपाली कांग्रेस सांसद पुष्पा भुसाल, सत्तारुढ नेपाल कम्युनिस्ट पार्टी (नेकपा)का विन्दा पाण्डेलगायतले २५ जनाभन्दा बढी भेला नहुन सरकारको निर्देशन दिएको भन्दै बैठक स्थगित गर्नुपर्ने बताएका थिए । सो लगतै बैठक स्थगित भएको छ ।