काठमाडौं । विश्वभर फैलिएको नोवेल कोरोना भाइरसको संक्रमण रोकथामका लागि भन्दै सरकारले माध्यमिक शिक्षा परीक्षा (एसईई) स्थगित गर्ने निर्णय गरेको छ ।

कोभिड १९ रोकथाम तथा नियन्त्रण उच्च स्तरीय समितिका संयोजक उपप्रधानमन्त्री ईश्वर पोखरेलले एसईई परीक्षा स्थगित गर्ने निर्णय भएको जानकारी दिए ।

यसअघि सरकारले अन्य विद्यालयहरु चैत ३० गतेसम्म बन्द गर्ने निर्णय गरेपनि एईई परीक्षा भने नरोकिने बताएको थियो । यद्यपी केही बेर अघि मात्रै भोलीबाट शुरु हुने एसईई परीक्षा स्थगित गर्ने निर्णय गरिएको हो ।