बुटवल । प्रहरीले रुपन्देहीको बुटवलबाट नेत्रविक्रम चन्द नेतृत्वको नेकपाका २ जनालाई पक्राउ गरेको छ ।

पक्राउ पर्नेमा नेकपाका पाल्पा जिल्ला इन्चार्ज ४१ वर्षीय पूर्णबहादुर सिंह र पाल्पा जिल्लाका सदस्य मिनबहादुर आले रहेका ईलाका प्रहरी कार्यालय बुटवलका डिएसपी प्रतीतसिंह राठौरले बताए ।

डिएसपी राठौरका अनुसार उनीहरूलाई प्रहरीले बिहीबार बिहीबार बिहान पक्राउ गरेकाे हाे ।

उनीहरुको साथबाट विभिन्न पुस्तक, सदस्यता नवीकरण पत्र र सिमसहित एक थान मोबाइलसमेत जफत गरिएको छ । थप अनुसन्धान भइरहेकाे प्रहरीले जनाएकाे छ ।