काठमाडौं । हिजो प्रधानमन्त्री एवम् नेकपाका अध्यक्ष केपी शर्मा ओलीसँगको वार्ता सकारात्मक नभएपछि आज पार्टी मुख्यालय धुम्बाराहीमा कार्यकारी अध्यक्ष पुष्पकमल दाहाल ‘प्रचण्ड’ले डाकेको सचिवालयको अनौपचारिक बैठकमा ४ जना सचिवालय सदस्य उपस्थित भएका छैनन् ।

बैठक शुरु भए पनि प्रधानमन्त्री केपी शर्मा ओली र महासचिव विष्णु पौडेल, उपप्रधानमन्त्रीसमेत रहेका इश्वर पोखरेल र गृहमन्त्री रामबहादुर थापा ‘बादल’ अनुपस्थित छन्।

बैठकमा अहिले पार्टी अध्यक्ष दाहाल, पूर्व प्रधानमन्त्रीहरु झलनाथ खनाल, माधवकुमार नेपाल, नेता वामदेव गौतम र पार्टी पार्टी प्रवक्ता नारायणकाजी श्रेष्ठ सहभागी छन्।

नौं सदस्यीय नेकपा सचिवालयका ५ जना सदस्य बैठकमा सहभागी छन्।

ओलीले दुई अध्यक्षबीच सहमति भएपछिमात्रै बैठक बोलाउने जनाएका छन् भने दाहाल पक्षधरले तुरुन्दै बैठक बोलाउनुपर्ने माग गर्दै आएका छन् ।