काठमाडौं । कोरोना संक्रमणबाट धादिङको गजुरी गाउँ कार्यपालिकाकी सदस्यको मृत्यु भएकाे छ ।

केही दिनअघि कोरोना संक्रमण पुष्टि भएकी धादिङ गजुरीकी ४१ वर्षीया ती महिलाको बिहीबार मनमोहन मेमोरियल अस्पतालमा मृत्यु भएको गजुरी गाउँपालिकाकी उपाध्यक्ष सीता ढुंगानाले जानकारी दिइन् ।

दुवै मृगौलाले काम गर्न छाडेको ८ महिना भइसकेकी उनको मृगौला प्रत्यारोपण गर्ने तयारी भएको भए पनि कोरोनाका कारण रोकिएको थियो ।

नियमित मनमोहन मेमोरियल अस्पतालमा डायलासिस गराउन आउने उनमा गत साता परीक्षण गर्दा कोरोना संक्रमण देखिएको थियो ।