काठमाडौं। महानगरिय अपराध महाशाखाले संरक्षित बन्यजन्तु कछुवा कारोबार गर्ने एक गिराेहलाई प्रहरीले पक्राउ गरेकाे छ।

पक्राउ पर्नेमा रामेछाप हिमगंगा न.पा.वडा नं.४ हाल बालकुमारी बस्ने २९ बर्षीय नैन बहादुर आले मगर, गोरखा बारपाक सुलिकोट गा.पा.वडा नं.६ हाल बनस्थली बस्ने २४ बर्षीय सुजन उपरकोटि, रामेछाप दोरम्बा गा.पा. वडा न.६ हाल बाैद्द बस्ने ३३ बर्षीय छेवाङ् लामा, रामेछाप दोरंबा गा.पा. वडा न.६ बस्ने २७ बर्षीय राजकुमार घिसिङ् र रामेछाप दोरम्बा गा.पा. वडा न.६ हाल बाैद्द बस्ने २९ बर्षीय दावा लामा रहेका छन्।

कछुवाको अवैध ओसारपसार तथा बिक्रीबितरण भैरहेको भन्ने गोप्य सुचनाको आधारमा यस अपराध महाशखाबाट खटिएको प्रहरी टोलीले उनीहरूलाई पक्राउ गरेकाे हाे।

प्रहरी टाेलीले भक्तपुर सुर्यबिनायकबाट जिउदो कछुवासहित आइतबार उनीहरूलाई पक्राउ गरेकाे थियाे।