इलाम । इलाका प्रहरी कार्यालय नयाँबजार, इलामले १३ वर्षीया बालिकालाई बलात्कार गरेको आरोपमा एक युवक पक्राउ गरेकाे छ ।

पक्राउ पर्नेमा इलामकाे माइजोगमाई गाउँपालिका–५ का २० वर्षीय सचिन राई रहेका प्रहरीले जनाएकाे छ।

प्रहरीका अनुसार पक्राउ परेका राईले बालिकालाई ललाई–फकाई सोही ठाउँस्थित लोक्साङ जङ्गलमा लगी बलात्कार गरेका थिए ।

उनलाई इलाका प्रहरी कार्यालय नयाँबजारबाट खटिएको प्रहरीले पक्राउ गरेको हो। पक्राउ परेकाविरुद्ध प्रहरीले आइतबार अदालतमा मुद्दाको म्याद थप गराई अनुसन्धान गर्ने प्रहरीले जनाएको छ।