गोरखा ।कोभिड–१९ को त्रासमा चैतदेखि नै प्रायः कलकारखाना सञ्चालन नहुँदा गोरखा सदरमुकाममा रहेको गोरखा आयुर्वेद कम्पनीले भने उद्योग बन्द गर्नुपरेन ।

उद्योगमा कार्यरत ३५ कर्मचारी आयुर्वेदिक औषधि उत्पादनमा व्यस्त रहे । लकडाउनयता यो उद्योगबाट उत्पादित औषधिको माग थेगिनसक्नु छ ।

साढे तीन दशकअघि स्थापनाको समयमा कम्पनीले गुर्जो ९गुडुची० चियाबाट उत्पादन सुरु गरेको थियो ।

सुरुवाती अवस्थामा यो चियाले नै कम्पनीलाई चिनाएको उत्पादन अधिकृत अर्जुन अर्यालले बताए । ‘०४५ सालसम्म गुर्जो चिया मात्र उत्पादन भयो, अरू अनुसन्धान गर्ने काम भए,’ उनले भने, ‘झन्डै ४० वर्षपछि अहिले फेरि यो चियाको माग बढी छ ।’

कम्पनी स्थापनाकालमा उत्पादित गुर्जो चिया इटली र फ्रान्सका बजारसम्म पुग्थ्यो । (कान्तिपुरबाट )