चितवन । चितवनकाे भरतपुर अस्पतालमा उपचाररत कोरोना संक्रमित एक जनाकाे मृत्यु भएको छ ।

मृत्यु हुनेमा भरतपुर महानगरपालिका वडा २१ का ५६ वर्षीय पुरुष रहेका छन् ।

कात्तिक ५ गते श्‍वासप्रश्‍वासमा समस्या भएपछि ती पुरुषलाई अस्पतालको सीआईसीयू कक्षमा भर्ना गरिएको थियो ।

उनको कात्तिक ८ गते कोभिड १९ संक्रमण पुष्टि भएको अस्पतालका सूचना अधिकारी लीलाधर पौडेलले जानकारी दिए ।

उनी लामो समयदेखि मुटु तथा मिर्गौला रोगबाट पीडित थिए । ती पुरुषको स्वास्थ्य अवस्थामा थप जटिल हुँदै गएपछि कात्तिक ९ गते कोभिड आईसीयूमा राखेर उपचार गरिएको हो । उनको गएराति ९:३५ बजे मृत्यु भएको पौडेलले जानकारी दिए ।