काठमाडौं । नेपालमा काेराेनाबाट थप १२ जनाकाे मृत्यु भएकाे छ ।

बितेको २४ घण्टामा थप १२ जनाको मृत्यु भएसँगै देशभर कोरोनाबाट ज्यान गुमाउनेको संख्या हालसम्म ६७५ पुगेको छ ।

बुधबारको नियमित प्रेस ब्रिफिङमा स्वास्थ्य मन्त्रालयका प्रवक्ता डा. जागेश्वर गौतमले थप २ हजार १७४ जना कोेरोना निको भएको जानकारी दिए ।

याेसँगै हालसम्म निको हुनेको कुल संख्या ८१ हजार नजिक पुगेको छ । प्रवक्ता डा. गौतमका अनुसार आजसम्म ८० हजार ९४५ जना कोरोना निको भएका छन् ।

यस्तै पछिल्लो २४ घण्टामा थप १३ हजार ९४७ जनाको पीसीआर परीक्षण गर्दा २ हजार ६३८ जनामा संक्रमण पुष्टि भएको छ । यससँगै देशभर कोरोना संक्रमितको संख्या १ लाख १७ हजार ९९६ जना पुगेको छ ।