काठमाडाैं । नेपालमा काेराेना भाइरसकाे संक्रमणबाट थप ९ जनाकाे मृत्यु भएकाे छ ।

याेसँगै नेपालमा काेराेना संक्रमणबाट मृत्यु हुनेकाे संख्या ६४५ पुगेकाे स्वास्थ्य तथा जनसंख्या मन्त्रालयले जनाएकाे छ।

पछिल्लाे २४ घण्टामा २ जना महिला र ७ जना पुरूषकाे मृत्यु भएकाे मन्त्रालयले जनाएकाे छ। नेपालमा काेराेनाबाट मृत्यु हुनेकाे प्रतिशत शून्य दशमलब ५८ रहेकाे छ ।

यस्तै नेपालमा आज ४ हजार ४७ जनामा काेराेना भाइरस संक्रमण पुष्टि भएको छ ।

याेसँगै नेपालमा काेराेना संक्रमितको कुल संख्या एक लाख ११ हजार ८०२ पुगेको स्वास्थ्य तथा जनसंख्या मन्त्रालयले जनाएकाे छ ।

आजकाे नियमित प्रेस ब्रिफिङमा मन्त्रालयका प्रवक्ता डा.जागेश्वर गौतमले पछिल्लो २४ घण्टामा देशभर ४ हजार ४७ जनामा काेराेना भाइरसकाे संक्रमण पुष्टि भएकाे जानकारी दिए ।