काठमाडौं । काठमाडाैं उपत्यकामा एकैदिन १ हजार ५३१ जनामा कोरोना भाइरसकाे संक्रमण पुष्टि भएकाे छ ।

स्वास्थ्य तथा जनसंख्या मन्त्रालयले दिएकाे जानकारी अनुसार काठमाडौंमा १ हजार १७८ भक्तपुरमा १०३ र ललितपुरमा २५० जनामा कोरोना संक्रमण पुष्टि भएको छ ।

यस्तै नेपालमा आज थप २ हजार ४४० जनामा काेराेना भाइरस संक्रमण पुष्टि भएको छ । याेसँगै नेपालमा काेराेना संक्रमितको कुल संख्या ८९ हजार २६३ पुगेको मन्त्रालयले जनाएकाे छ ।

आजकाे नियमित प्रेस ब्रिफिङमा मन्त्रालयका प्रवक्ता डा.जागेश्वर गौतमले पछिल्लो २४ घण्टामा देशभर २ हजार ४४० जनामा काेराेना भाइरसकाे संक्रमण पुष्टि भएकाे जानकारी दिए ।

यस्तै बितेको २४ घण्टामा १ हजार १३३ जना काेराेना भाइरसकाे संक्रमण मुक्त भएका छन् । याेसँगै हालसम्म निको हुनेको कुल संख्या ६५ हजार २०२ पुगेको छ । यसैगरी आजसम्म देशभर सक्रिय संक्रमितको संख्या २३ हजार ५०७ रहेको छ ।