काठमाडौं । प्रदेश ५ को स्थायी राजधानी दाङको भालुवाङमा हुने भएको छ।

प्रदेश ५ को नाम लिम्बनी र स्थायी राजधानी दाङको भालुवाङलाई बनाउने प्रस्ताव प्रदेशसभामा पेश भएको छ ।

प्रदेश सरकारको मन्त्रिपरिषद्को बैठकले दाङको भालुवाङ बजारलाई केन्द्रमा राखेर राप्ती, गढवा र अर्घाखाँचीको शीतगंगा गाउँपालिकालाई जोडेर प्रदेश राजधानी बनाउने निर्णय गरेको हो। यस्तै प्रदेशको नाम लुम्बिनी प्रस्ताव भएको पनि बताइएको छ ।

यसअघि रुपन्देही, कपिलवस्तु वा दाङ मध्ये कहाँ राजधानी राख्ने भन्नेमा प्रदेश ५ को प्रदेशसभमा मतभेद रहेको थियो।

नेकपाका अध्यक्षद्वय केपी शर्मा ओली र पुष्पकमल दाहाल प्रचण्डबीच पनि प्रदेश ५ को राजधानी दाङमा राख्ने सहमति भैसकेको छ।