काठमाडौं। इण्डियन प्रिमियर लिग (आईपीएल) मा दुबई अन्तर्राष्ट्रिय रंगशालामा भएको खेलमा राजस्थान रोयल्सलाई कोलकता नाइट राइडर्सले ३७ रनले  हराएको छ ।

घातक बलिङको सहयोगमा राजस्थान रोयल्सलाई कोलकताले हरायो।  आईपीएलमा यो कोलकाता नाइट राइडर्सको दोस्रो जीत हो।

शुरुमा टस हारेर ब्याटिङमा उत्रिएको कोलकताका शुभमन गिल र इयोन मोर्गन चम्किँदा कोलकताले निर्धारित २० ओभरमा ६ विकेट गुमाउँदै १७४ रन बनाए।

१७५ रनको लक्ष्य लिएर  ब्याटिङमा उत्रिएको राजस्थान निर्धारित २० ओभरमा ९ विकेट गुमाउँदै राजस्थान १३७ रनमा समेटियो।

राजस्थानका लागि टम करनले सर्वाधिक ५४ रन बनाउँदा जोस बट्लर २१ रनमा पभेलियन फर्किए।  राहुल तेवतियाले १४ रन जोडे ।