अनलाइन नेपाल
काठमाडौं । नेपाल विद्यार्थी संघ (नेविसंघ)को असन्तुष्ट समूहले महेन्द्र मोरङ क्याम्पसमा आगजनी प्रयास गरेको छ ।
नेविसंघका तर्फबाट भन्दै महेन्द्र मोरङ कलेजमा उम्मेदवारी दर्ता गराएका उम्मेदवारलाई निर्वाचन समितिले ‘स्वतन्त्र’ पारिदिएको भन्दै आगजनी र तालाबन्दीको प्रयास भएको हो।
निर्वाचन समितिले नेविसंघको संस्थापन समूहलाई आधिकारिकता दिँदै शेखर कोइराला समर्थक समूहलाई स्वतन्त्र बनाएपछि विरोधमा बुधबार आगजनी र तालाबन्दी प्रयास भएको थियो।
विद्यार्थीहरूले निर्वाचन कार्यालयमा आगजनी प्रयास गरेका थिए भने तालाबन्दी पनि गरेका थिए। तर प्रहरीले ताला फोडेको छ।
चैत ५ गते हुने स्ववियु निर्वाचनका लागि कांग्रेस भ्रातृ संस्था नेपाल विद्यार्थी संघबाट संस्थापन पक्षबाट प्रज्वल विष्ट र कोइराला समूहबाट योगराज दाहालले उम्मेदवारी दिएका थिए।
महेन्द्र मोरङको स्ववियु सभापति पदमा नेविसंघबाट प्रज्वल विष्ट, अनेरास्ववियुबाट अनिष बोगटी, अखिल क्रान्तिकारीबाट रोहित यादवलगायत उम्मेदवार छन्।
हिमचुली मिडिया प्रा. लि.
इमेल: mail.onlinenepal@gmail.com
फोन नम्बर: +977- 01-4526373 (9851137729, 9851148387)
ठेगाना: न्यू प्लाजा, पुतलीसडक, काठमाडौं
दर्ता नम्बर: 1695/076/077
Leave a Reply