कपिलवस्तु । कपिलवस्तुमा बाढीले जिप बगाउँदा एकजनाको मृत्यु भएको छ ।

कपिलवस्तुको मोतिपुरस्थित कोइली खोलामा आएको बाढीले नेपाल विद्युत प्राधिकरणको कर्मचारी सवार जिप बगाउँदा एकजनाको मृत्यु भएको छ भने अन्य २ जना बेपत्ता भएका छन् । तीन जनाले भने जिपबाट हामफालेर बचेका छन् ।

मृत्यु हुनेमा गुल्मी जिल्ला तम्घास घर भएका जिप चालक माधव पाण्डे रहेको प्रहरीले जनाएकाे छ । बाणगंगा नगरपालिकाको बनगाइ भलवाड डोहोटे सडकखण्ड अन्तर्गत कोइली खोलामा आएको बाढीले बा १ ञ १०८९ नम्बरको जिप बगाएको हो ।

जितपुरबाट पडेरियामा रहेको ट्रान्सफर्मरमा फ्युज बनाएर फर्किने क्रममा उनीहरु सवार जिप बाढीले बगाएको प्रहरीले जनाएको छ ।