काठमाडौं । उपप्रधानमन्त्री एवं शहरी विकासमन्त्री प्रकाशमान सिंहले समाजमा युवाहरू नेपालमा बस्न नचाहेको भन्ने गलत भाष्य निर्माण गर्न खोजिएको बताएका छन् ।

शुक्रवार नेपाल उद्योग वाणिज्य संघ काठमाडौंको चौथो साधारण सभालाई सम्बोधन गर्दै उनले यस्तो बताएका हुन् ।

युवा पलायन रोक्न जिम्मेवारी नलिने तर भ्रम सिर्जना गर्नेहरूबाट सचेत हुनुपर्ने उनले बताए । अधिकारको कुरा ठूलो स्वरले उठाउने तर जिम्मेवारीको कुरा आउँदा पछि हट्ने प्रवृत्तिको कारण समाज अगाडि बढ्न नसकेको उनको भनाई थियो ।

यस्तै उनले मुलुकको विकासका लागि अधिकारसँगै सबैले आ–आफ्नो जिम्मेवारी बहन गर्नुपर्ने बताए ।