काठमाडौं। चीनले नेपाली भुमीमा जबरजस्ती भवन निर्माण गरिरहेकोमा नेपाली कांग्रेसका नेता धनराज गुरुङले बिरोध गरेका छन्।

चीनले हुम्लाको नाम्खा गापा-६ लिमीको लाप्चा क्षेत्रमा चीनले नेपाली भुमीमा जबरजस्ती भवन निर्माण गरिरहेको सार्वजनिक भएको थियो। ।

सामाजिक संजाल फेसबुकमा लेख्दै नेता धनराज गुरुङले  भनेका छन्, ‘हुम्लाको नाम्खा गापा-६ लिमीको लाप्चा क्षेत्रमा चीनले नेपाली भुमीमा जबरजस्ती भवन निर्माण गरिरहेको समाचार पढियो। खवरदार! ठुला भनाउँदा दुई छिमेकी देशले मिचाहा प्रबृत्ति नदेखाऊ। यस संदर्भमा @PM_Nepal ज्युको ध्यानाकर्षण गराउन चाहन्छु। राष्ट्रियताको छेउ र कुनामा फरक परिभाषा हुँदैन। ‘

गुरुङले नेपाली भूमीमा लामोसमयदेखि नेपालीलाई जान समेत नदिएर कब्जा गरि भवन बनाउँदा सरकार वेखबर भएकोमा आपत्ती जनाएका हुन्।

प्रधानमन्त्री केपी ओलीको ध्यानाकर्षण गराउँदै गुरुङले राष्ट्रियताको छेउ र कुनामा फरक परिभाषानहुने पनि उल्लेख गरे ।