काठमाडौं । नेपाली कांग्रेसका उपसभापति धनराज गुरुङले पतित राजनीतिभन्दा माथि उठ्न आग्रह गरेका छन् ।

६ वर्ष पहिले बोलेको विषय काटेर सामाजिक सञ्जालमा ‘भाइरल’ गराइएको उल्लेख गर्दै बुधबार राति उनले सामाजिक सञ्जाल फेसबुकमार्फत सो आग्रह गरेका हुन् ।

‘वैचारिक रूपमा प्रतिस्पर्धा गरौँ। पतित राजनीतिभन्दा माथि उठौँ,’ उनले भनेका छन् ।

अगाडि उनी भन्छन्, ‘झन्डै ६ वर्ष पहिले तत्कालीन नेकपाको सरकारविरुद्ध तत्कालीन प्रतिपक्ष दल नेपाली कांग्रेसले गरेको आन्दोलनको मेरो भाषणको भिडिओ क्लिप हाल सामाजिक सञ्जालमा प्रचार गरेर प्रोभोक गर्ने कार्य खेदजनक छ।’