लमजुङ । लमजुङमा प्रहरीले एक सयभन्दा बढी अवैध हतियार बरामद गरेको छ ।

जिल्ला प्रहरी कार्यालय लमजुङका अनुसार तीन महिनाको अवधिमा विभिन्न ठाउँबाट ११४ वटा भरुवा बन्दुक बरामद भएको हो ।

लमजुङ प्रहरीले अवैध हतियार बरामद अभियान नै सञ्चालन गरेको थियो ।

२२ बोर हर्नेट, १२ बोर दुईनाले बन्दुक, एकनाले वृज लोडिङ राइफलसहित ११४ थान हतियार बरामद गरिएको लमजुङ प्रहरीले जनाएको छ ।

दुई थान भरुवा बन्दुक मुद्दा चलेका हतियार रहेको बताइएको छ ।