काठमाडौं । सरकारले सशस्त्र प्रहरी बल, नेपालका चारजना प्रहरी नायब महानिरीक्षक (डीआईजी) को पदावधि थप्ने निर्णय गरेको छ ।

मंगलबार साँझ बसेको मन्त्रिपरिषदको बैठकले डीआईजीहरू कमल गिरी, गणेश ठाडा मगर, कुलबहादुर नेम्बाङ र शम्भु सुवेदीको कार्यकाल एक वर्ष थप्ने निर्णय गरेको हो ।

सशस्त्र प्रहरी महानिरीक्षक राजु अर्यालले पुस २३ गते चार वर्षे पदावधि पूरा हुन लागेका डीआईजीहरुको एक वर्ष पदावधि थप गर्न सिफारिस गरेका थिए ।

उनीहरुको कार्यकाल एक वर्ष लम्बिएसँगै एक जनालाई आईजीपी बन्ने बाटो समेत खुलेको छ ।